2014წ. 04 აპრილს შედგა საქართველოს ადვოკატთა ასოციაციის სამოქალაქო სამართლის კომიტეტის პირველი სხდომა. კომიტეტის 20 წევრიდან სხდომას დაესწრო 14 წევრი.

სხდომას ესწრებოდნენ აგრეთვე:

1) ადვოკატი ელენე მაისურაძე

2) კომიტეტის კოორდინატორი ბელა ბაშარაძე

კომიტეტის სხდომაზე მიღებული იქნა შემდეგი გადაწყვეტილებები:

1. შეიქმნას კანონმდებლობაში ცვლილებების მოსამზადებელი შემდეგი სამუშაო ჯგუფები:

• საქართველოს სამოქალაქო საპროცესო კოდექსში ცვლილებების მოსამზადებელი სამუშაო ჯგუფი (სამუშაო ჯგუფის ხელმძღვანელი ადვოკატი შალვა ქურდაძე)
• ადვოკათტა შესახებ კანონში ცვლილებების მოსამზადებელი სამუშაო ჯგუფი (სამუშაო ჯგუფის ხელმძღვანელი ადვოკატი როინ მიგრიაული);
• საქართველოს სამოქალაქო კოდექსში ცვლილებების მოსამზადებელი სამუშაო ჯგუფი (სამუშაო ჯგუფის ხელმძღვანელი ადვოკატი გიორგი მარიამიძე)
• გადახდისუუნარობის საქმის წარმოების შესახებ კანონში ცვლილებების მოსამზადებელი სამუშაო ჯგუფი (სამუშაო ჯგუფის ხელმძღვანელი ადვოკატი ნანა ამისულაშვილი);
• სასამართლო პრაქტიკის განზოგადების სამუშაო ჯგუფი (სამუშაო ჯგუფის ხელმძღვანელი ადვოკატი დავით ლანჩავა)

1. ეთხოვოთ სამუშაო ჯგუფის ხელმძღვანელებს, თავიანთი შეხედულებისამებრ განსაზღვრონ ჯგუფის შემადგენლობა,
2. ეთხოვოთ კომიტეტის წევრებს, გაერთიანდნენ მათ მიერ შერჩეულ სამუშაო ჯგუფებში და მიიღონ აქტიური მონაწილეობა ჯგუფების მუშაობაში.
3. კომიტეტის წევრებმა სამუშაო ჯგუფში გაერთიანების შესახებ აცნობონ კომიტეტის კოორდინატორს. დასაშვებია რამდენიმე სამუშაო ჯგუფში გაერთიანება.

როინ მიგრიაული

სამოქალაქო სამართლის კომიტეტის თავმჯდომარე